عــاشق الغلاء

مـنتديات
 
الرئيسيةالبوابةس .و .جبحـثالمجموعاتالتسجيلدخول

شاطر
 

 حوسـه البنـآت في العــرس ^_^

اذهب الى الأسفل 
كاتب الموضوعرسالة
لوليتا

لوليتا

عدد الرسائل : 5
تاريخ التسجيل : 13/11/2008

حوسـه البنـآت في العــرس ^_^ Empty
مُساهمةموضوع: حوسـه البنـآت في العــرس ^_^   حوسـه البنـآت في العــرس ^_^ Icon_minitimeالسبت نوفمبر 15, 2008 7:25 am

لما تجيك دعوة الى حضور حفل زفاف لاحد الاشخاص ...
فإن الحريم في المنزل يعلنون حالة الطوارئ في اليوم الموعود
فتلقاهم صافين طابور عند باب الحمام .. من أجل أخذ دش بارد
<<< لانهم مؤمنات بالقاعدة الفيزيائية
التي تقول : ان الاجسام تتقلص بفعل البرودة
*******************
ثم يهبون الى غرفة العمليات
فتحصلهم مايخلون مراية في حالها ..
** فتلقى منيرة عند مراية التسريحة تتمكيج
** وخلود عند مراية الدولاب تركب عدساتها
** ورقية عند مراية المدخل حق البيت تستشور شعرها
** وملااك محتارة أي فستان تلبس
وكلما اختاروا لها فستان .. قالت : لا .. قد شافوه عليّ
** ورغد تترجى اخوها : تكفى ود فستاني للمغسلة
وقول لهم يخلونه مستعجل
** ومشااعل متوهقة مالقت الحلق اللي يناسب لون فستانها
** وشوق تقول لاخوها : تكفى مر على جارتنا
وخذ من عندها الاكسسوار التفاحي
** وهنوف .. انفرط سحاب فستانها .. وتبي الخياط يصلحه
<<< والله من السمنة الزايدة
*****************
وصجة .. ولجة .. وحوسة ...
وكلهم في سباق مع الزمن ..

( طبعا ياعيني عالرجال .. ثوب وشماغ .. وانتهت السالفة )
************************************
بعد ذلك .. يركبون السيارة بعد ما آنبح صوت ابوهم
وهو يناديهم

..
** والمصيبة اذا اخذوا مسافة بالسيارة وجتك فاطمة
تشهق شهقة قوية .. ويقولون : اشفيييييك
وترد عليهم : نسيت شنطتي تكفى يبه رجعنا للبيت
<<<ويعصب ويقول وراي مباراة ((الهلال-النصر))
********************
وبعد عناء طويل يصلون الى القصر ويدخلون
******************
ومن يوم تبدأ الطقاقة بقرع الطبول
تلقى الوحدة تهزّ .. وتهتز وهي لسّا باقي على الكرسي
**********************
ثم يتوافدون الى المسرح .. وشف الرقص كيف
** اللي تحط رجلها من شرق المسرح الى غربه
ولا احد يدري وش بلاها

**********
** واللي تهز وهي واقفة مكانها بركاااادة .. وعلى بالها :" أنوثة ":..


******************
وتعال شفهم اذا غنت الطقاقة .. ( يالتكسي ) اوووووووووووووووووووووووووه

وقالت : وخذ يمين و بعد يمين ..
تلقا الحريم فعلا ماخذين اللفة يمين في يمين
<<< طبعا من غشامتهم .. يتصاقعون في بعض
************
والوحدة فيهم بتتشقق من الفرحه اذا جت الطقاقة بجنبها
وقالت : يا احمر يا احمر .. عاشو .. على قلبي
^_^
<< طبعا الافندية فستانها احمر ..

*****************

** وتلقا ثنتين هناك يرقصون نفس رقص العراقيات في عرب شمّر

وطبعا العجايز منصدمات .. ومافيه الا قوة دعاوي على هالبنات



**************
** واذا جاات اغنية مصرية ..
تلقى الاغنية والايقاع في وادي .. والرقص في وادي ثااني
(( الا من رحم الله .. ))
<< واللي تعرف ترقص مصري .. تلقى البنات يتشحدونها تقوم
وهي ترفض ..
طبعا من حقها .. تخاف يصكونها بعين على كيفك

واذا جت الزفـــه قالوا البنات هااااه حلو المعرس..؟

(ايه)يهبل

يؤيؤيؤ ما شفته زين
>> وش عليكم من الرجال خلأص دخل القفص خخخخخخخ


***********
والوناسة اذا قالت الطقاقة : ( رقصة خاصة لاهل العروس )
تلقاهم يستلجون اذا قالت : ( كل آل " فلان " خيّالة )
<<< وهم في الحقيقة .. لم يركبوا حصانا قط ..

بس يالله لزوم المدح
واذا جاء وقت الطلعه للبيت <<يؤيؤيؤيؤ يمه مانبي نروح البيت ما فيه احد راح خلينا نجلس شوي
<<<<<وتوافق الام بعد ما نشبن في بلاعيم بلعومها ((ههههههه))



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق الغلاء
الادارة


عدد الرسائل : 87
العمر : 36
تاريخ التسجيل : 25/10/2008

حوسـه البنـآت في العــرس ^_^ Empty
مُساهمةموضوع: رد: حوسـه البنـآت في العــرس ^_^   حوسـه البنـآت في العــرس ^_^ Icon_minitimeالسبت نوفمبر 15, 2008 3:06 pm

ههههههههههههههههههههه وربي حوسه من جد
انا يوم فيه عرس لاهلي اطلع من البيت وما ارجع الى اخر الليل هههههههههه
يازين الرجال بس والله مايتعبو الى من الحريم ومشاويرهم
لا وبعد لاجاء وقت العشاء مافيه ولا وحده تاكل قال ايش مسويه رجيم الله يعين بس
مشكوره اختي على الموضوع الشيق جدا وننتظر منك المزيد
تقبلي مروري




تحياتي
عاشق الغلاء

_________________
حوسـه البنـآت في العــرس ^_^ Z2A63241
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mmghm.yoo7.com
 
حوسـه البنـآت في العــرس ^_^
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عــاشق الغلاء :: الغــــــــــــــلاء للترفيه :: الغــــــــــلاء للفرفشه-
انتقل الى: